Forsíða: Welcome

Jöfnuður og menntun

hafa verið rauði þráðurinn í öllu mínu starfi í stjórnmálum; alveg frá því að ég tók fyrstu slagina í Röskvu, seinna þegar ég var formaður menntamálanefndar Alþingis og nú síðustu átta árin sem formaður skóla- og frístundaráðs Reykjavíkurborgar.

Hvaðan kemur ástríðan? Horfðu á myndbandið hér að neðan ef þú vilt vita meira.

Forsíða: Work

Árangur

síðustu ára og áratuga í menntamálum Reykjavíkur drífur mig áfram. Þar sjást áherslur okkar jafnaðarmanna í verki.

Frá liðnu kjörtímabili má nefna:

Fyrstu heildstæðu menntastefnu Reykjavíkur með áherslu á fimm hæfniþætti: félagsfærni, sjálfseflingu, heilbrigði, sköpun og læsi
Markvissar aðgerðir til að brúa bilið milli fæðingarorlofs og leikskóla – sem hafa lækkað inntökualdur jafnt og þétt
Bætt kjör og starfsaðstæður í skólum og í frístundastarfi með yfir fimm milljarða viðbótarframlagi á kjörtímabilinu

127854367_1080290829067430_5553477559382

Ég?

Ég heiti Jóhann Páll og er 28 ára. Hef búið í Bretlandi með Önnu Bergljótu kærustunni minni síðan 2016, stundað þar nám í stjórnmálahagfræði og sagnfræði og unnið sem blaðamaður. Í haust ákvað ég að breyta til, hætta í fréttamennsku og skrá mig í Samfylkinguna. Undanfarna mánuði hef ég m.a. starfað við ráðgjöf og hugmyndavinnu fyrir þingflokkinn okkar, svo sem við smíði þingmála og kynningarritsins Ábyrga leiðin – úr atvinnukreppu til grænnar framtíðar.

Verkefni

formanns skóla- og frístundaráðs eru margvísleg, eins og við má búast í borg sem rekur yfir 100 skóla og ver um 50% útgjalda til skóla- og frístundastarfs.

Meðal verkefna vetrarins má nefna:

Aukning fjárframlaga til grunnskóla upp á 1,5 milljarð á ári og nýtt fjármögnunarlíkan sem tekur mið af félagslegum aðstæðum í hverfum
Samstarf við velferðarsvið um betri stuðning við börn og ungmenni í þeirra nærumhverfi með verkefninu „Betri borg fyrir börn“
Íslenskuver í alla borgarhluta til að styðja betur við bakið á börnum með annað móðurmál en íslensku

Forsíða: Text

Áherslur

mínar fyrir næsta kjörtímabil eru að vinna áfram að því að draga úr aðstöðumun barna og styða enn betur við þau sem standa höllum fæti; svo sem vegna efnahags foreldra, uppruna, fötlunar, námserfiðleika, hegðunar eða annarra félagslegra aðstæðna.

Önnur áherslumál fyrir næsta kjörtímabil:

Auka geðrækt í skólum og huga betur að andlegri heilsu nemenda, sem er ekki síst mikilvægt í kjölfar heimsfaraldurs
Ljúka leikskólabyltingunni með því að bjóða 12 til 18 mánaða börnum leikskólapláss (í samræmi við áætlunina „Brúum bilið“)
Að Reykjavíkurborg dragi áfram vagninn í loftslagsmálum og grænum fjárfestingum á Íslandi

Anchor: Prufa

Reynsla

vegur þungt í pólitík og fer best með hæfilegri endurnýjun. Samfylkingin í Reykjavík nýtur þess.

Ég hef leitt skóla- og frístundaráð Reykjavíkurborgar í 8 ár en það eru liðin heil 30 ár síðan ég vann minn fyrsta sigur í pólitík. Eftir að hafa kynnt hugmyndir um Nýsköpunarsjóð námsmanna fyrir þáverandi ráðherrum var það Jóhanna Sigurðardóttir sem tók málið upp og keyrði það í gegn við ríkisstjórnarborðið. Tveimur árum síðar kynntist ég núverandi borgarstjóra, Degi B. Eggertssyni, þegar við stóðum fyrir þjóðarátaki á vegum Stúdentaráðs til bókakaupa fyrir opnun Þjóðarbókhlöðunnar.

Síðan þá hef ég komið víða við – sem þáttastjórnandi í útvarpi og dagskrárstjóri hjá Bylgjunni, sem einn af framkvæmdastjórum Menningarborgar Evrópu í Reykjavík árið 2000 og seinna sem framkvæmdastjóri Samfylkingarinnar. Loks sat ég á Alþingi árin 2009 til 2013 og var þar formaður menntamálanefndar. Ég er fimm barna faðir, kvæntur Dr. Önnu Lind Pétursdóttur, sem er prófessor á menntavísindasviði Háskóla Íslands, og er sjálfur með meistaragráðu í opinberri stjórnsýslu frá Minnesota-háskóla í Bandaríkjunum.